"Kasbiy ta'lim" kafedrasi
Qoraqalpoq davlat pedagogika institutining «Fizika–matematika» fakul`teti tarkibidan 1961 yili «Sanoat ishlab chiqarish va asoslari» kafedrasi tashkillashtirildi. Kafedrani katta o`qituvchi A.Nurimbetov boshqardi. Shu yillardan boshlab kafedraning moddiy-texnik bazasini yaxshilash maqsatida ustaxonalar tashkillashtirildi. Ustaxonalar shu davr talabiga mos keladigan yog`ochga ishlov beruvchi stanoklar, temirga ishlov berivchi teshish, keshish, yo`nish, burama chiqaruvchi stanoklar va boshqada uskunalar bilan to`liqtirildi.
1965 yildan boshlab shu kafedrani t.f.n. A.Nurmanov boshqardi. Shu yili kafedraga oliy toifali professor–o`qituvchilardan B.Usenov, M.Embergenov va J.Qaypnazarovlar kelib qo`shilishdi.
1970 yildan boshlab kafedrani f.–m.f.n. J.Qayipnazarov boshqardi. Shu yillari kafedrada tajribali professor-o`qituvchilardan N.P.Shiryaev, B.Usenov, Yu.Masharipov, M.Embergenov, A.Romanov va boshqalar talaba yoshlarga ta`lim-tarbiya berdi. Yildan yilga kafedraga tegishli laboratoriya kabinetlarining moddiy-texnik bazasi to`liqtirilib borildi.
1976–1977 o`quv yili institut Nukus davlat universiteti bo`lib o`zgargandan keyin «Sanoat ishlab chiqarish va asoslari» kafedrasi «Umumiy fizika» kafedrasiga qo`shildi va uni f.-m.f.n. A.Madjitov boshqardi. Shu kafedraning tarkibida «Umumiy texnikaviy mehnat va chizish» mutaxassisligi bo`yicha mutaxassislar tayyorlandi.
1990-1991 o`quv yili Qoraqalpoq davlat universitetidan Nukus davlat pedagogika instituti bo`linib, qayta ochildi va «Injener–pedagogika» fakul`teti tarkibida «Fizika va mehnatga o`rgatish» kafedrasi tuzilib, unga f.-m.f.n. Q.Paluanov rahbarlik qildi.
«Kasbiy ta`lim» kafedrasi jamoati majlis paytida
Kafedraga tegishli «Mehnat», «Mehnat-fizika», «Mehnat-informatika», «Mehnat va tasviriy san`at», «Mehnat va kasbga yo`naltirish», «Mehnat va qishloq xo`jaligini mexanizatsiyalashtirish» yo`nalishlari bo`yicha mutaxassislar tayyorlana boshladi.
Shu yili institut rektori akademik J.Bazarbaev Qoraqalpog`iston Respublikasi Jo`qorg`i Kengashi va Vazirlar Mahkamasi ruxsati bilan To`rtkul guzori bo`yida qarovsiz qolgan eski imorat o`rnini «Injener-pedagogika» fakul`tetiga berildi va tez kunda rekonstruktsiya ishlari olib borildi hamda laboratoriya kabinetlari uskunalar bilan ta`minlandi.
1992 yili «Fizika va mehnatga o`rgatish» kafedrasi tarkibadan «Umumiy texnikaviy fanlar» kafedrasi bo`linib chiqib, unga f.–m.f.n. A.Jumamuratov rahbarlik qildi. Shu yillari o`qitishda nazariya bilan amaliyotni birga olib borish maqsadida yangi laboratoriyalardan: «Materialshunoslik», «Qishloq xo`jaligi mashinalari», «Yog`ochga ishlov berish ustaxanasi», «Temirga ishlov berish ustaxanasi», «Tikuvchilik ustaxonasi», «Elektrotexnika va radiotexnika», «Oshpazlik» laboratoriyalari tashkillashtirildi.
Temirchilik ustaxonasida dars paytida
Talabalar «Ichki yonish dvigateli» darsi paytida
1996-2000 yillari B.Ibragimov O`zbekiston Respublikasi Fanlar akademiyasi yadro fizikasi institutiga maqsadli aspiranturaga o`qishga kirdi va t.f.n. ilmiy darajasini egalladi.
Shu yillar ichida kafedraga tegishli bo`lgan laboratoriyalar keyingi chiqqan modeldagi stanoklar, priborlar, asbob-uskunalar bilan to`liqtirildi.
Kafedra oliy ma`lumotli mutaxassislar A.Taubaev, O.Orinbaev, X.Tajetdinov, T.Pirnazarovlar bilan to`liqtirildi.
1997-1998 o`quv yili kafedrani t.f.n. M.Arzuov boshqarib, shu yillari institut nomidan maqsadli aspiranturaga O`zbekistan Respublikasi qishloq xo`jaligini mexanizatsiyalashtirish va elektrofikatsiyalash ilmiy-tadqiqot institutiga kafedraning assistent o`qituvchisi B.Utepbergenov yuborildi va 2001 yili tugatib t.f.n. ilmiy darajasini oldi.
2001-2005 yilar oralig`ida kafedrani t.f.n, dotsent N.Saparniyazov boshqardi, 2006 yildan boshlab kafedraga dots.B.Avezov rahbarlik qilib kelmoqda.
Kafedra O`zbekiston Respublikasidagi atoqli ilmiy-tadqiqot institutlari va oliy o`quv yurtlari bilan hamkorlik aloqada bo`lib, ulardan O`zbekiston Respublikasi «Qishloq xo`jaligini mexanizatsiyalashtirish va elektrofikatsiyalash» ilmiy-tadqiqot instituti, O`zbekiston Respublikasi Yadro fizikasi instituti, O`zbekiston milliy universiteti, Nizomi nomidagi Toshkent davlat pedagogika universiteti, Qoraqalpoq davlat universiteti, Qori Niyozi nomidagi pedagogika ilmiy-tadqiqot instituti, Toshkent agrar universiteti Nukus filiali, Namangan davlat universitetlari, Namangan injener-pedagoglar instituti atab o`tish joiz.
Hozirgi vaqtda kafedra «Mehnat ta`limi» va «Kasbiy ta`lim» yo`nalishida bakalavr mutaxassislarini tayyorlamoqda. Bu yo`nalishda hozirgi kunda 172 talaba bilim olmoqda. Hozirgi zamon talabi darajasida chuqur bilim egallashlari uchun kafedrada trenajer zali, 7 ustaxana («Materialshunoslik», «Ichki yonish dvigateli», «Yog`ochga ishlov berish ustaxonasi», «Temirga ishlov berish ustaxonasi», «Tikuvchilik ustaxonasi», «Elektrotexnika va radiotexnika», «Oshpaszlik») va 5 laboratoriya-amaliyot kabinetlari ishlab turibdi. Kafedrada «Chevar qo`llar» to`garagi tuzilgan. Shu to`garakga qiziquvchi yoshlarning bilimi, qobiliyati va ko`nikmalarini oshirish natijasida byudjetdan tashqari mablag` topishga erishildi. Bugungi kunda kafedra tarkibi 1 texnika fanlari doktori, professor, 2 texnika fanlari nomzodi, 3 dotsent, 6 katta o`qituvchi va 9 assistent o`qituvchilardan tashkil topgan. Kafedrada 2 o`qituvchi aspiranturani tugatgan va 11 o`qituvchi ishdan qo`l uzmagan holda nomzodlik dissertatsiya ishi ustida ishlamoqda.